БОУАӨ-ийн сайд Б.Батбаатар Африкийн Кени улсад зочлохдоо хоёр талын уулзалтын зардалд 75 сая төгрөг зарцуулна

• Гашуунсухайт, Ханги: Энд нүүрсний экспорт биржээс бүрэн хамааралтай байна. Хилийн хоёр талд нүүрс хуримтлагдсан ч татан авалт хийгдэхгүй, үнэ унаснаас импортлогч тал худалдаа хийхгүй байгаа аж. Энэ нь манайхаас бус гадны шалтгаантай гэдгийг сайд тэмдэглэв. Гэсэн хэдий ч төмөр замын тээврийг хурдасгаж, зардлыг 50%-иар бууруулах шийдвэр гарсан бөгөөд дэлгэрэнгүйг Б.Дэлгэрсайхан сайд өгнө гэв.
• Шивээхүрэн: Энэ боомт бусдаасаа илүү амжилттай ажиллаж байна. Шивээхүрэн-Сэхээ чиглэлийн хил дамнасан төслийг хурдан хэрэгжүүлбэл нүүрсний тээвэрлэлт 2-3 дахин нэмэгдэж, жилд 50 сая тонн хүрэх боломжтой. Хоёрхон сарын дотор төмөр замаар холболт хийвэл 70 жилийн дараа анх удаа ийм том бүтээн байгуулалт болно гэж сайд хэллээ.

Сангийн сайд валютын нөөцийг богино хугацаанд өсгөх боломжийг дурдав. Үүнд:

• Дотоодод эзэмшиж буй 700-800 сая ам.долларын Засгийн газрын бондыг мөнгөжүүлэх,
• Хадгаламж даатгалын корпорациас 230 сая, Төрийн банкаас 50 сая ам.доллар татах,
• Монголбанкны алтны зохицуулалтаар 300 сая ам.доллар оруулах зэрэг багтана.
  Эдгээрээр нийт 530 сая ам.долларын нөөц бий болно. Мөн “Эрдэнэт үйлдвэр”, Дарханы төмөрлөгийн үйлдвэр зэрэг компаниудад 1 тэрбум ам.долларын нөөц бүрдүүлэх даалгавар өгчээ.

Гуравдугаар сараас хойш боомт, бирж дээр шахалт үзүүлснээр нүүрсний экспорт 1.9 сая тонноор, зэс 57 мянган тонноор нэмэгджээ. Шивээхүрэнд “Саусгоби Сэндс” зэрэг долоон компани ажиллаж, энэ онд 1.8 сая тонн нүүрс гаргасан нь өнгөрсөн жилээс өндөр үзүүлэлт юм. Шинэ журмаар “Эрдэнэс Тавантолгой” бирж дээр 1.2 сая тонн нүүрсний захиалга өгсөн бөгөөд арилжаа удахгүй эхэлнэ.

• Шинэ хөрөнгө оруулалт, импортыг хойшлуулах тогтоол батлагдлаа.
• Хэмнэлтийн хуулийг хэрэгжүүлэх Үндэсний хороо ажиллаж, төсвийн хэмнэлтэд анхаарна.
• Экспорт, валютын нөөцийг нэмэгдүүлэх ажлын хэсэг долоо хоног бүр хуралдаж, тайлагнана.

Сайд Б.Жавхлан боомтуудын ажиллагааг сайжруулж, экспортыг өсгөхөд онцгой анхаарал хандуулж буйгаа илэрхийллээ.

Хууль зүй, дотоод хэргийн сайд О.Алтангэрэл: Гуравдугаар сарын 17-ны шөнө болсон хойшлуулшгүй ажиллагаа нь хэвлэн нийтлэх эрх чөлөөнд халдлаа гэсэн учир миний бие цагдаагийн байгууллагаас тодруулга авсан.

"Хүний эрх зөрчигдөөд байгаа юм биш үү" гэдэг асуудал удаа дараа тавигдсан учир мэдээлэл өг гэсэн үүрэг чиглэлийн дагуу надад мэдээлэл өгсөн. Дараа нь, хууль бус мөрийтэй тоглоом гэдэг хэрэг тохоод байгаа юм биш үү гэх асуудал яригдсан учраас би Засгийн газарт танилцуулсан. Бүгд прокурорын зөвшөөрөлтэй явагдсан.

Сүүлийн үед хэрэгт холбоотой зарим хүн өөрсдөө мэдээлэл хийж, яригдаад байгаа 9.3 тэрбумыг ч баталсан байна.

Хамгийн гол нь цагдаагийн байгууллага хуульд заасан үйл ажиллагаа явуулахдаа хүний эрх зөрчсөн үү гэдэг л гол.

Тэдний гэм буруугийн талаар ямар ч дүгнэлт гараагүй байгаа. "Ноорог"-ийн залуусын хэнийг ч гэм буруутайд тооцоогүй: Нэг зүйлийг тодотгоё. Би сайд болоод цахим мөрийтэй тоглоомтой холбоотой асар их гомдол хүлээж авсан. Өөрийн биеэр ЦЕГ-ын даргыг дуудаж, энэ чиглэлээр хяналт шалгалтыг идэвхжүүл, арга хэмжээ ав гэж үүрэг өгсөн. Энэ хүрээнд явж байгаа үйл ажиллагаа гэж ойлгосон. Энэ бол шалгагдаж байгаа хэргийн нэг л хэсэг. Тэнцвэртэй хандаасай гэж хэлмээр байна. Хууль сахиулах байгууллагын алба хаагчид гэмт хэрэгтэй тэмцэх чиг үүргээ хэрэгжүүлж байгаа шүү" гэлээ.

Үргэлжлүүлэн байнгын хорооны гишүүд асуулт асууж, хариулт авч байна.

УИХ-ын гишүүн П.Сайнзориг: Тодорхой хуульд заасны дагуу гэмт хэргийн шинжтэй үйлдлийг шалган тогтоох үйл ажиллагаа явагддаг. Гэвч мэдээллийн зөрүүтэй байдлаас болоод ч гэх үү, өнөөдөрт хүрлээ. Шалгах явцдаа хэвлэлийн эрх чөлөөнд халдаж болохгүй ээ. Шалгах ёстой юмаа бол шалгах ёстой. Анхнаасаа мэдээллийг буруу өгснөөс энэ асуудал болж байна. Ер нь гишүүд өөрсдөө эхлээд ХЗДХ-ийн сайдаас мэдээллээ авдаг болмоор байна. Тэгэхгүй шууд өөрсдөө энд тэнд очиж бужигнуулж болохгүй. Цагдаагийн алба хаагчид өөрсдөө ч оролцсон гэгдэж байна. Тодорхой мөнгө төгрөгийн тоо ч хэлсэн. Үүнийг шалгаж байна уу. Хоёрт, мөрийтэй тоглоомоос сэргийлэх хүрээнд сайд юу хийх вэ. Та яг мөрдөн байцаагч шиг хандлагаар мэдээлэл хийсэн шүү. Энэ хандлага чинь болохгүй байна. Үүндээ бас анхаармаар байна.

Хууль зүй, дотоод хэргийн сайд О.Алтангэрэл: Өчигдөр гадаад улсад байдаг гэх иргэн мэдэгдэл хийсэн, харсан. Сүүлийн 4 жилд мөрийтэй тоглоомтой холбоотой 299 хэргийг шүүх эцэслэн шийдвэрлэсэн байна. Хохирол нь олон тэрбумаар яригдаж байгаа. Өөрөөр хэлбэл цагдаа үүн дээр ажиллаж байгаа. Цагдаа дотор үүнд холбоотой хүмүүс байхыг үгүйсгэхгүй. П.Сайнзориг гишүүний үгийг хүлээн авлаа. Мөрийтэй тоглоом өнөөдөр Эрүүгийн хуулиар зохицуулагдаж байгаа. Цаашид Н.Учрал сайд холбогдох хуулийн өөрчлөлтийг толгойлон хариуцаад явж байгаа.

УИХ-ын гишүүн Д.Ганбат: Энэ юу болоод байна аа. О.Алтангэрэлийг маань ямар болгочихов оо? Ямар бүдүүлэг алдаа хийж байна. Прокурорын зөвшөөрлөө хэзээ авсан юм. Албан ажлын шугамаар мэдсэн юмаа яагаад зарлаад байна. Эргээд нөгөө ард түмнээ л буруутай гэдэг. Иргэд 30 жилд хууль дээдлэх, ардчилал зэргийг мэддэг болсон байна. Зүй ёсны шаардлагуудыг тавьж байна, энэ зөв. Цаашдаа одоо яах юм бэ?

Хууль зүй, дотоод хэргийн сайд О.Алтангэрэл: Биеэ өмөөрч байгаа мэт болчих гээд байх юм. “Ноорог”-ийн ажилчдын нэгийнх нь дансаар 9.3 тэрбум төгрөг эргэлдсэн гэж би хэлсэн. Мөн бусдыг амиа хорлоход хүргэсэн гэх, мөрийтэй тоглоом зохион байгуулсан гэх, хүний хувийн нууцад халдсан гэх хэргүүдэд шалгагдаж байгааг ч хэлсэн. Бүгд прокурорын байгууллагаас өгсөн зөвшөөрлийн хүрээнд байгаа. Яагаад гаргаж тавьсан бэ гэвэл, хүмүүст цагдаад эргэлзсэн. Юун мөрийтэй тоглоом? гэж хандсан. Одоо хүмүүс нь өөрсдөө гараад ирэнгүүт, “Үнэн, гэхдээ...” болоод явчихаж байна.

УИХ-ын гишүүн С.Эрдэнэболд: Гуравдугаар сарын 18-ны өглөө Үндэсний эв нэгдлийг бусниулах гэсэн зүйл заалт дурдагдсан. Өнөөдөр амиа хорлоход нөлөөлөх, цахим мөрийтэй тоглоом гээд олширлоо. Хэчнээн зүйл заалт болчихов оо. Хувь хүний асуудлыг салгалгүйгээр байгууллага дээр нь хойшлуулшгүй ажиллагаа явуулсан учраас, дээр нь үүр цайтал мэдүүлэг авалгүй байлгасан нь эрүүдэн шүүлт мэт харагдсан болохоор асуудлыг ярьж байна. Үүнээс харахад ямар нэгэн байдлаар яллах гээд байгаа юм биш үү гэсэн эргэлзээ төрж байна. Мөн үүнийг ААН, компанитай холбосон пи-ар явчихсан байгаа. Эндээс бас сэжиг бүхий байна гэж харсан.

Хууль зүй, дотоод хэргийн сайд О.Алтангэрэл: Ийм ташаа ойлголт яваад байна. Олон зүйл ангиар ямар нэгэн юм наах гээд байгаа мэтээр яриад байна. Цахим мөрийтэй тоглоомын асуудал, амиа хорлох гэж байна гэх өөр нэг асуудал, нууц задруулах тухай дахиад нэг асуудал буюу 3-4 төрлийн шалгагдаж байгаа өөр өөр субъектууд бий. Энэ хооронд ойлголтын зөрүү үүсэв үү. Дахин дахин хэлж байгаа нь энэ бүгд хэвлэлийн эрх чөлөөнд халдаж болохгүй гэдэг дээр л 100 хувь санал нэг байна.

19.9 буюу Үндэсний эв нэгдлийг бусниулах гэдэг цагдаа шалгадаггүй зүйл анги. Тийм ч учраас гайхаж, цагдааг мэдээлэл өг гэж үүрэг өгсөн. Энэ зүйл ангитай холбоотой ямар нэг мэдээлэл байхгүй. Ийм зүйл ангитай холбоотой ямар ч мэдээлэл өнөөдрийг хүртэл ирээгүй. 

Хууль зүйн байнгын хорооны хуралдаан үргэлжилж байна.

Энэ үеэр ХЭҮК-ын гишүүн Г.Нарантуяа, “Комисс мөрдөн шалгах ажиллагаа, шүүхийн шатанд байгаа болон хянан шийдвэрлэгдсэн эрүү, иргэн, захиргаа, зөрчлийн хэрэг, маргааны талаарх гомдол, мэдээллийг хүлээн авахгүй” гэсэн зохицуулалттай. Нөгөө талаар Үндсэн хууль, хууль, олон улсын гэрээгээр баталгаажсан аливаа хүний эрхийг хамгаалж ажиллах чиг үүрэгтэй.

Иймд бид хэрэг маргааны үндсэн асуудлаар дүгнэлт гаргахгүй. Энэ бол цагдаа мөрдөн шалгаж, прокурор хяналт тавьж, шүүгч шийдвэрлэх асуудал. Харин  шударгаар шүүлгэх эрх зэргийг нь хангахын тулд хэрэгт шууд оролцохгүйгээр, хөндлөнгийн хяналт тавьж, ажиллалаа” хэмээв.

Улмаар Кибер гэмт хэрэгтэй тэмцэх хэлтсээс “Ноорог”-ийн найман ажилтныг гуравдугаар сарын 17-18-ны хооронд хойшлуулшгүйгээр баривчилж, халдашгүй чөлөөт байх эрхийг зөрчсөн байж болзошгүй гэсэн гомодолд дүн шинжилгээ хийснээ танилцуулав.

ХЭҮК гурван төрлийн эрхийг зөрчсөн гэж үзжээ.

Нэг: Халдашгүй чөлөөт байх эрхийг зөрчсөн байна

Г.Нарантуяа “Дур мэдэн хэнийг ч нэгжих, мөрдөн мөшгих, эрх чөлөөг нь хязгаарлахыг хориглоно. Баривчлагдсан шалтгаан үндэслэлийг тухайн хүн, түүний гэр бүл, өмгөөлөгчид мэдэгдэнэ. Гэтэл энэ кейс дээр хойшлуулшгүй ажиллагаа явуулсан үндэслэл ойлгомжгүй,  ямар хэрэгт холбогдуулан шалгаж байгаа тухай мэдээллүүд зөрүүтэй байна.

ЭЦА-наас бидэнд тайлбар ирүүлэхдээ,”Гуравдугаар сарын 17-ны өдөр иргэн Н.О-гийн хуудсаас “Ноорог дандаа худал мэдээлэл явуулах юм. Худал мэдээллээс болж амиа хорлоход хүрээд байна” гэж мэдээлэл өгсөн нь хойшлуулшгүй ажиллагаа явуулах үндэслэл болсон гэжээ.

Мөн гуравдугаар сарын 18-ны 04.55 цагт, мөрдөгчийн 8686... дугаараас “Эрүүгийн хуулийн 19.9.1-ээр баривчлах зөвшөөрөл хүсэж байгаа юм байна. Яах вэ, У байна” гэж мессеж бичсэн нь баримтаар байна.

Тухайн найман иргэний хоёр нь 2024.09.26-наас хойш мөрийтэй тоглоом зохион байгуулах хэргүүдэд шалгагдаж байгаа. Харин энэ нь явуулсан хойшлуулшгүй ажиллагаатай шууд хамааралгүй байна.

Цагдаагийн байгууллагад ирүүлсэн гомдол мэдээллийн мөрөөр хойшлуулшгүй ажиллагаа явуулаагүй нь, ХЗДХ-ийн сайдын өгсөн мэдээлэл зэрэг нь зөрүүтэй байна.

Эрүүгийн хэрэг хянан шийдвэрлэх тухай хуульд хойшлуулшгүй тохиолдол гэдгийг тодорхой заасан. Прокурорын зөвшөөрөлгүй явуулж болох бөгөөд прокурорт зөвхөн мэдэгдэнэ гэжээ. Тэгэхээр прокурорын зөвшөөрөлгүйгээр явуулахыг зөвшөөрсөн хэдий ч тодорхой хүрээ хязгаарт явуулах ёстой үйл ажиллагаа.

Ямар гэмт хэрэгт шалгагдаж байгаагаа мэдэхгүй байх нь түгшихэд хүргэх сөрөг үр дагавартай, хууль зүйн хамгаалалт авах, түүнд бэлтгэхэд саад болдог. Хойшлуулшгүй ажиллагааны үндэслэл маш тодорхой байх, хүрээ хязгаар нь үүссэн нөхцөл байдалд тохирсон байх шаардлагатай.

УЕПГ-аас хойшлуулшгүй ажиллагааг хүчинтэйд тооцсоноо илэрхийлсэн. Үндэслэлээ тайлбарлаагүй.

Хоёр: Үзэл бодлоо илэрхийлэх эрхийг хөндөж, мохоох эрсдэл үүсжээ

Тус компани болон саатуулагдсан иргэд нь ялгаварлан гадуурхалт хүүхэд хамгаалал орчны хүртээмжтэй байдал зэргээр контент хийж, ЗГ-ын үйл ажиллагаанд шүүмжлэлтэй ханддаг байна. Мөн О.У нь сэтгүүлч Б.Пүрэвтэй хийсэн ярилцлагадаа “Баримтат кино удахгүй нээлтээ хийнэ” гэж мэдэгдсэн. Чөлөөтэй, төрийн эрх мэдлийг шүүмжлэх эрх чөлөөг онцгойлон хамгаалдаг. Энэхүү эрхийг дээрх хойшлуулшгүй ажиллагааг тойрсон үйл явдал хөндөх эрсдэлтэй байна.

Гурав: Олон нийтийн мэдээлэл авах эрхийг хангаагүй

Олон нийтийн мэдээлэл авах эрх гэдэг нь үзэл бодлоо илэрхийлэх, төрийн үйл хэрэгт оролцох эрхийн суурь нөхцөл мөн. “Ноорог”-ийн найман ажилтанд холбогдох хойшлуулшгүй ажиллагааг ямар үндэслэлээр, хуулийн дагуу явагдсан эсэх зэрэг мэдээлэл зөрүүтэй, тодорхойгүй нь эргэлзээ төрүүлсэн. Бодитой, тодорхой, салаа утгагүй мэдээлэл авах олон нийтийн эрх хангагдаагүй байна” гэлээ.

Кибер гэмт хэрэгтэй тэмцэх газрын дарга С.Тайван "Өчигдөр цахим орчинд мэдээлэл өгсөн цахим мөрийтэй тоглоом зохион байгуулдаг А.Баяржавхлангийн 18 хүн оролцсон бүлэглэл байгааг тогтоосон. Энэ иргэний төрсөн хоёр дүүг шүүгчийн захирамжаар цагдан хорьсон. Цахим мөрийтэй тоглоомын улмаас маш олон иргэн хохирдог.

Иргэн А.Баяржавхланг зохион байгуулалтай гэмт бүлэг үүсгэх, мөрийтэй тоглоом зохион байгуулах, мөнгө угаах зүйл ангиар шалгаж байна.

Цагдаагийн байгууллага нь Олон улсын Интерполын байгууллагын гишүүн бөгөөд энэ шугамаар А.Баяржавхланг эрэн сурвалжилна. Мөн Турк улсад байгаа учраас шувуу ажиллагааны хүрээнд Монгол Улсад албадан авчирна. Шалгалтын үйл ажиллагаа явагдаж байгаа учраас нарийн мэдээлэл өгөх боломжгүй." гэлээ.

• 23-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр бороо, нойтон цас,
• 24-нд баруун, төв, зүүн аймгуудын нутаг, говийн аймгуудын нутгийн хойд хэсгээр,
• 25-нд баруун болон төвийн аймгуудын ихэнх нутаг, говийн аймгуудын нутгийн хойд хэсэг, зүүн аймгуудын нутгийн зарим газраар,
• 26-нд баруун болон говийн аймгуудын нутгийн зарим газар, төв, зүүн аймгуудын ихэнх нутгаар нойтон цас, цас орж, цасан шуурга шуурна.

Эх сурвалж: ЦУОШГ

Асуудал сөхөгдсөн нь цагдаа нар “Хэвлэлийн эрх чөлөөнд халдлаа” гэсэн том агуулгатайгаар сөхөгдсөнөөр эрх чөлөөний, Ардчиллын өндөр мэдрэмжтэй шинэ үеийн залуучуудын, мөн хэвлэл мэдээллийн байгууллагуудын сэтгэлийн утсыг хөндөн гурав хоног анхаарлаас гаргасангүй. Энэ сэдвийг.

Ноорог сайтын залуучууд анх өөрсдийгөө “2024 оны сонгуулийн үйл явцыг бодитоор илэрхийлсэн, харуулсан баримтат кино бүтээсэн. Түүнийгээ яг цацахын өмнө бүх холбогдох техник, тоног төхөөрөмжийг хураан авлаа. Ноцтой зүйл заалтаар шалгаж байна” гэхчлэн мэдээллийг өгч нийгмийн массыг өөрсдийн талд анхааралдаа татан авч чадсан гэж болно.

Нийгмийн сүлжээ, сошиал орчны уур амьсгалыг хянамгай анхаарч ажлаа уялдуулж явуулдаг гэмээр манай шинэ үеийн төрийн байгууллагуудын загвараар тэр даруй Цагдаагийн ерөнхий газраас албан ёсны хэвлэлийн бага хурал зарлаж “Ноорог.мн сайтын залуучуудыг хэвлэлийн эрх чөлөө, хэвлэн нийтлэх асуудлын хүрээнд байцааж шалгаагүй, цахим хаягаар ирүүлсэн иргэний гомдлоор шалгаж эхэлж байна. Хувь хүний нууцын мэдээлэл цуглуулсан, цахим мөрийтэй тоглоом зохион байгуулсан байх сэжүүрт гарсантай холбоотойгоор хуулийн байгууллага хуулийн хүрээнд үйл ажиллагаагаа явуулж буй” талаар мэдээлэл өгсөн.

Нэмэлтээр, хэдхэн цагийн дараа Ноорог.мн сайтын үйл ажиллагаа болон эрхлэн явуулдаг залуучууд нь алдарт гурван үсэгт хэмээн алдаршсан MCS компанитай холбоотой, тус компаниас санхүүждэг тухай мэдээллүүд хөвөрлөө. Товчхондоо “Хэвлэлийн эрх чөлөөнд халдлаа” хэмээн нийгмийн асуудал болж гарч ирсэн сэдэв нь угтаа өнөөгийн Монголын улс төрийн хүрээний сэдэв, асуудал болоод буй Баялагийн сангийн тухай хуулийн дагуу МУ-ын Засгийн газар MCS групп хоорондын тулааны нэг хэсэг байж болзошгүй дүр зураглал руу шилжив.

Үүнээс цааш Ноорог.мн сайтын асуудал салбарын сайдын хэмжээнд очив. Хууль зүйн дотоод хэргийн сайд О.Алтангэрэл “Ноорог тойрсон мэдээлэлд 9.3 тэрбум төгрөгийн тухай, амиа хорлосон иргэний тухай асуудлыг холбон нэмж оруулж ирэн” мэдэгдэл хийв.

Энэ хэсгийг өрнөлийг түр орхиод асуудлыг гаднаас нь өнгийвөл...

          Нэг, Хэвлэлийн эрх чөлөөний тухай эхэлсэн асуудал манай хэвлэл мэдээллийн байгууллагуудын хоорондын зөрчилдөөн, маргаан болон үргэлжлэв. Нэгэнт MCS компани нэр холбогдон орж ирсэн хойно тэдний зүгээс дуугаа захиалж мэдээллээ цацуулах нь хөндлөнгөөс харахад ойлгомжтой санагдах юм. Дотооддоо хэвлэл мэдээллийн байгууллагууд нэгнийгээ хүлээн зөвшөөрөхгүй, нэгнийхээ байр суурь, өнцөг, баримт материалыг үл ойшоон байгаа салбарын эд эсүүд гадаад орчин нийгэм, төрөөс хэвлэлийн эрх чөлөөг шаардах нь төдийлөн үр дүнгүй, учир холбогдолгүй харагдана. Хэвлэл мэдээлэл, сэтгүүлзүйн суурь зарчим чинь олон ургальч үзэл, олон талын байр суурь гээгүй билүү...

          Хоёр, Гол сэдэв болох Ноорог.мн сайтын залуучуудын асуудал хэвлэлийн эрх чөлөө гэхээсээ илүүтэйгээр хувь хүний субьектив асуудал болон хувирах шинжтэй мэдээллүүдийг хуулийн байгууллага, Хууль зүйн яамны сайдын зүгээс олон нийт рүү шидсээр, олон нийтийг талцуулсаар байв. Дашрамд Ноорог.мн сайтын үйл ажиллагаа, залуучуудыг хамгаалж, өмгөөлж байгаа хэсэг нь илүү боловсролтой, эрх чөлөөний мэдрэмжтэй болж харагдахуйц трэнд бараг сошиал орчинд дэлгэрснийг чимхлэн дурьдая.

Энэ сэдэв хаашаа эргэх, асуудал хэрхэн шийдэгдэхийг одоохондоо тааварлахад эрт байна. Маргааш, нөгөөдөр ямар мэдээлэл, баримт дэлгэгдэхийг таашгүй. Гагцхүү урт хугацааны олон ангитай, олон оролцогчидтой, өндөр түвшний цуврал кино болох нь одоогоор ойлгомжтой байна.

    Эцэст нь Ноорог.мн сайтын үүсгэн байгуулагч О.Уламсайханы хэлсэнчлэн “БАРИМТтайд нь итгээрэй” гэснийг санаж “Үнэн бодит, үзэж харж, барьж болохуйц” баримт гарч иртэл ИТГЭЛээ сэтгэлдээ тээж, үгээ тархиндаа тунгаан тэвчээртэйгээр, талцалгүйгээр, үйл явцад анхааран, гярхай ажиглаж суухыг танаас хүсье.

С.Өлзийхишиг

Чуулганаар уур амьсгалын өөрчлөлтөд дасан зохицоход усны нөөцийн нэгдсэн менежментийн тулгамдаж буй асуудал, усны нөөцийн жигд хуваарилалтыг шийдвэрлэх арга зам, мөстөл, мөсөн гол, цэвдгийн төлөв байдал, хайлалт, өөрчлөлт, ирээдүйн хандлага болон усны салбар дахь төр, хувийн хэвшил, мэргэжлийн байгууллагуудын хамтын ажиллагаа,  цаашдын зорилтыг хэлэлцэх юм.

Монгол Улсын Ерөнхийлөгч Ухнаагийн Хүрэлсүх чуулганыг нээж үг хэллээ.

Уур амьсгалын өөрчлөлтийн нөлөөллөөр ган гачиг, усны үер, мөстлийн  хайлалт эрчимжин, усны нөөцөд сөрөг нөлөө үзүүлж, хязгаарлагдмал усны нөөц, ус ашиглалт, бохирдол зэрэг нь тулгамдсан асуудал болоод байна.

Тиймээс Ерөнхийлөгч, мөнх цас, мөсөн голыг хамгаалж, мөстлийн хайлалтын усыг хуримтлуулах, цаашид үүсэх боломжит нууруудыг тооцоолох, мөстлийг хайлуулахгүй хадгалах технологи нутагшуулах, усны бохирдлыг бууруулах, бохир усыг цэвэршүүлэх, дахин ашиглах тогтолцоо нэвтрүүлэх ёстой гэж үздэгээ хэллээ.

Мөн усны салбарын зорилт, төсөл, хөтөлбөрийг амжилттай хэрэгжүүлэхэд салбарынхны санал, санаачилга, манлайлал, төр, засаг, хувийн хэвшил, олон улсын байгууллагын хамтын ажиллагаа, харилцан ойлголцол чухал байгааг тэмдэглэлээ.

Иргэдийн эрүүл, аюулгүй орчинд амьдрах нөхцлийг бүрдүүлэх зорилготой “Тэрбум мод”, “Хүнсний хувьсгал”, “Эрүүл монгол хүн”, “Цагаан алт” хөдөлгөөн хэрэгжиж байгаа.

Мөн уул уурхайн томоохон аж ахуйн нэгжүүд “Тэрбум мод” үндэсний хөдөлгөөний хүрээнд амласан модоо эрчимтэй тарьж, ургуулах нь чухал байгааг санууллаа.

“Цэнхэр алт” үндэсний хоёрдугаар чуулганаар хэлэлцсэн асуудал болон “Нэг нуур, Нэг сум-333 нуур”, “Дусал бүр” уриалгыг улсын хэмжээнд хэрэгжүүлэх зэргийг хэлэлцэн зөвлөмж гаргана.

Чуулганд усны салбарын төр, хувийн хэвшил, олон улсын байгууллага, иргэний нийгмийн байгууллагын 1,200 гаруй хүн оролцож байна.

Угтах ёслолын үеэр хоёр улсын Төрийн дуулал эгшиглэж, ёслолын буудлага үйлдсэний дараа Ерөнхийлөгч У.Хүрэлсүхэд Төрийн хүндэт харуулын захирагч айлтгал өргөв.

Төрийн тэргүүн нар угтах ёслолд хүрэлцэн ирсэн Монгол, Туркийн албан ёсны төлөөлөгчидтэй мэндчиллээ.

Ерөнхийлөгчийн ордон цогцолборт Засгийн газрын хуралдаан, Ерөнхийлөгчийн уулзалт, арга хэмжээ болдог бөгөөд гадаад улсын төрийн тэргүүн, дээд, өндөр түвшний төлөөлөгчдийг хүлээн авдаг юм.

Төрийн айлчлалын хүрээнд хоёр улсын Ерөнхийлөгч ганцаарчилсан уулзалт, албан ёсны хэлэлцээ хийж, хэвлэл мэдээллийн байгууллагуудын төлөөлөлд мэдээлэл өгнө.

Айлчлалын үеэр талууд “Боловсролын салбарт хамтран ажиллах тухай”, “Залуучууд, спортын салбарт хамтран ажиллах тухай”, “Эрүүл мэнд, анагаахын шинжлэх ухааны салбарт хамтран ажиллах тухай” Засгийн газар хоорондын хэлэлцээр болон байгаль орчин, уул уурхай, зам, тээвэр, дэд бүтэц, ойн аж ахуй, хууль, эрх зүй зэрэг салбарт хамтран ажиллах тухай баримт бичгүүдэд гарын үсэг зурах юм.

Энэ үеэр харилцааг өргөжүүлэн хөгжүүлэхэд дээд, өндөр түвшний харилцан айлчлал, яриа хэлэлцээ онцгой ач холбогдолтой гэдэгт санал нэгдэн, харилцан ашигтай, хамтын ажиллагааг бүх салбарт гүнзгийрүүлэх, Иж бүрэн түншлэлийн харилцааг шат ахиулах, дипломат харилцаа тогтоосны түүхт 55 жилийн ойг ёслол төгөлдөр тэмдэглэн өнгөрүүлэх болон бусад асуудлаар ярилцаж байсан юм.