Онцлох мэдээ
MEDAILY РИЙЛС
Богино. Тодорхой. Сонирхолтой.Ярилцлага
Видео контент
Амьдрал, соёл, спорт
Бүх мэдээ
Редакцын бодлого
Баримтаас эхэлнэ.
Мэдээг бэлтгэх, засах, тайлбарлахад баримтлах редакцын зарчмууд.
Нягтлах ба эх сурвалж
Редакц нийтлэхийн өмнө мэдээллийн эх сурвалж, огноо, тоон мэдээлэл болон нөхцөл байдлыг нягтлахыг эрмэлзэнэ. Батлагдсан баримт, хүний байр суурь, редакцын дүгнэлтийг хооронд нь тодорхой ялгана. Баталгаажаагүй мэдээллийг батлагдсан мэтээр хүргэхгүй.
Тэнцвэртэй мэдээлэл
Маргаантай асуудлаар холбогдох талуудын тайлбарыг авахыг эрмэлзэнэ. Үзэл бодлын нийтлэл, ярилцлагад илэрхийлсэн байр суурь нь тухайн зохиогч, ярилцагчийнх бөгөөд заавал редакцын байр суурийг илэрхийлэхгүй.
Залруулга ба шинэчлэл
Алдааны тухай мэдэгдэл ирвэл редакц шалгана. Мэдээллийн утга, дүгнэлтэд нөлөөлөх засвар хийсэн тохиолдолд залруулга эсвэл шинэчлэлийн тайлбар оруулах зарчмыг баримтална. Засвар хүсэхдээ тухайн нийтлэлийн холбоос, алдаатай хэсэг, холбогдох баримтыг ирүүлнэ үү.
Сурталчилгаа ба редакц
Сурталчилгаа, түншлэлийн агуулгыг мэдээ, нийтлэлээс ялгах тэмдэглэгээтэй байршуулна. Сурталчилгаа байрлуулах нь редакцын мэдээллийн агуулгыг хянах эрх олгохгүй.
Хүний нэр төр, хувийн орон зай
Нийтлэх мэдээллийн олон нийтийн ач холбогдлыг хүний хувийн мэдээлэл, хүүхэд болон эмзэг нөхцөлтэй оролцогчдын эрх ашигтай харьцуулж үзнэ. Шаардлагагүй хувийн мэдээллийг ил болгохоос зайлсхийнэ.
AI ба редакцын хариуцлага
AI хэрэгслүүд нь редакцын ажлыг орлохгүй. Редакцаас бэлтгэсэн мэдээг нийтлэх шийдвэрийг хүн гаргана. Уншигчийн ашигладаг AI товчлол, орчуулга, дуу хоолой нь бүрэн эхтэй танилцахад туслах нэмэлт үйлдэл юм.
Санал, асуулт байна уу?
Редакцтай холбогдож, мэдээлэл эсвэл хүсэлтээ хүргүүлээрэй.