Монголын үндэсний бөхийн холбоо “Малчин түмэндээ тусалья” улс, аймгийн алдар цолтой 128 бөхийн хандивын барилдааныг энэ сарын 1-нд зохион байгуулсан билээ.

Тус барилдааны үеэр бөхчүүд, жаяг дэгийн багийн гишүүд, бөхийн дэвжээдээс малчдадаа хандив өргөсөн болон барилдааны орлого, мөн барилдааны үеэр бөх сонирхогч үзэгчдээс шилжүүлсэн төлбөр болох нийт 192.1 сая төгрөгийг малчдад тусламж болгон Онцгой байдлын ерөнхий газрын данс руу шилжүүлжээ.