“Бүтэн Ардчилал” бүх гишүүдээс санал авах мөрийн хөтөлбөрийн хэлэлцүүлэг Сүхбаатар, Чингэлтэй дүүргийн Ардчилсан намын гишүүд, дэмжигчдийн хэлэлцүүлгээр маргааш буюу энэ сарын 17-ны өдөр Соёлын төв өргөөнд үргэлжилнэ. 

Тус хэлэлцүүлэг нь Ардчилсан намаас санаачлан зохион байгуулсан “Өрийн дарамтгүй, Төрийн дарамгүй Монгол” үндэсний хэлэлцүүлгүүдээс гарсан саналуудыг нэгтгэн нэмэлт саналуудыг тусгаж илүү боловсронгуй болгохын сацуу Монгол Улсын нийгэм, эдийн засаг, хүний эрх, эрх чөлөө, улс төрийн хүрээний тулгамдаж буй асуудлуудыг шийдвэрлэх, монгол хүний амьдралын чанарыг сайжруулах, өр зээлийн хүүгийн дарамтыг бууруулах, Засгийн газрын өр үлэмж хэмжээгээр өссөн асуудлыг шийдвэрлэх саналыг нэгтгэх юм. Энэ хүрээнд Ардчилсан намын 2024 оны сонгуулийн мөрийн хөтөлбөрт иргэд, олон нийтээс санал авах, хэлэлцүүлгийг тус намаас шат дараалан зохион байгуулж байна. Ингэснээр, Ардчилсан нам иргэдээ сонсдог, судалгаанд суурилсан бодлогын түвшний нам байна гэдэг агуулга гэдгийг өмнөх хэлэлцүүлгүүдээр Ардчилсан намын удирдлагууд онцолж байна.