Цахим орчинд этгээд дүр төрх, хэл яриагаараа олны анхааралд байдаг иргэн М.Чингисхаан эрхээ хасуулсан үедээ автомашин жолоодсон зөрчил гаргасныг Тээврийн цагдаагийн алба шалгаж байгааг цахим хуудсандаа мэдээлжээ.

Тодруулбал, 2022 оны 04 дүгээр сарын 26-ны өдрийн 20:00 цагийн орчим Сүхбаатар дүүргийн 1 дүгээр хорооны нутаг дэвсгэр Д.Сүхбаатарын талбайн зүүн урд замын зорчих хэсэгт тэрээр H.Insight маркийн тээврийн хэрэгсэлтэй хөдөлгөөнд оролцсон байна. Сүхбаатар дүүрэг дэх Цагдаагийн газрын Замын цагдаагийн хэлтэс тээврийн хэрэгслийг түр саатуулан шалгалтын ажиллагааг явуулж байна. 

Иргэн М.Чингисхаан ноднин өвөл согтуугаар тээврийн хэрэгсэл жолоодож байхдаа замын цагдаад шалгагдаж, алба хаагчийн шаардлагыг үл биелүүлж буй бичлэгээ цахим орчинд шууд дамжуулалтаар хүргэж байсан билээ. Улмаар түүний жолоо барих эрхийг хоёр жилийн хугацаатайгаар хассан юм. 

Иймд Төрийн албан хаагчийн хууль ёсны шаардлагыг биелүүлж, аливаа үйл ажиллагааг хүч хэрэглэхгүйгээр эсэргүүцэх, эсхүл доромжилсон үйлдэл гаргахгүй, албан тушаалтны шийдвэрийг үл биелүүлэх, үйл ажиллагаанд нь саад учруулахгүй замын хөдөлгөөнд соёлтой оролцохыг Тээврийн цагдаагийн албанаас анхааруулав.