УИХ-ын гишүүн асан Ж.Батзандан "МАНАН дэглэмийн эсрэг тууштай тэмцэж, хөгжлийн шинэ бодлого хэрэгжүүлэхээр эх орондоо ирлээ" хэмээн өнөөдөр хэвлэлийнхэнд мэдээлэл өгөв. 

Тэрбээр өнгөрсөн нэг жил гаруйн хугацаанд Монгол Улсаас Австрали улсад суугаа Элчин сайдын яаманд судалгаа, парламентын асуудал хариуцсан зөвлөхөөр ажиллаж байсныг тэмдэглээд, энэ хугацаанд Элчин сайд Б.Чулуунхүү, Д.Даваасүрэн нартай хамтран олон чухал асуудлыг шийдвэрлэхэд оролцсон хэмээн тодотгов. 

Тодруулбал,

Хоёрдугаарт, монгол залууст зориулсан Working Holiday visa буюу Австралид ажиллангаа амрах визийн асуудал шийдэгдлээ.

Гуравт, КОВИД-ийн хүндрэлтэй хөл хорионы үеэр Австрали Улсад ажилладаг амьдардаг олон мянган иргэддээ туслах зорилгоор анх удаа МИАТ компанитай хамтран нислэг зохион байгуулж олон мянган иргэнээ эх оронд нь авчирсан.

Дөрөвт, Монгол Австрали хоёр улсын дипломат харилцаа тогтоосны 50 жилийн ойд тохиолдуулан тус улсын бодлогын баримт бичгүүдэд судалгаа хийж холбогдох байгууллагуудад хүргүүлээ.
Мөн миний бие өндөр хөгжилтэй улс орнуудын хөгжлийн загварыг судалж “Эх орноо аврах 18 хувьсгал буюу шинэ хувьсгал” номоо бичиж дуусгалаа.

МАНАН дэглэмийн эсрэг тэмцлээ эцэст нь хүргэхээр, хөгжлийн шинэ бодлого хэрэгжүүлэхээр Ж.Батзандан Монголдоо эргэн ирлээ.

Хамтран ажилласан гадаад харилцааны ний бие бүрэлдэхүүнд амжилт хүсье. Ажлаас чөлөөлөгдөх хүсэлтийг минь хүлээн авч хуулийн дагуу шийдвэрлэж өгнө үү гэж Монгол Улсын Ерөнхий сайд Л.Оюун-Эрдэнэ, Гадаад харилцааны сайд Б.Батцэцэг нарт хүсэлтээ өгч байна" гэв. 

-Та Австрали руу ахиж явахгүй гэсэн үг үү?

-Миний бие 2004 онд Унгар улсаас ирэхдээ “Шударга ёсны эрэлд” гэдэг номоо бичиж ирсэн. Энэ номын дагуу би 10 гаруй жилийн турш шударга ёсны төлөөл тэмцэж ирлээ.

Австрали улсаас ирэхдээ “Шинэ хувьсгал” номоос гадна “Их Монгол Улсын Их засаг үндсэн хууль”-ийн төслийг бичиж ирлээ. Монголчууддаа удахгүй шинэ үндсэн хуулийг батлуулж бэлэг барих болно. Удахгүй шинэ хувьсгал буюу Монголыг аврах 18 хувьсгал эхлэх болно.

-Та яг юуны төлөө тэмцэх вэ?

-Надтай хамт тэмцэж байсан нөхөд өнөөдөр Монголын төрийн өндөр албан тушаалд заларсан байна. Надтай хамт тэмцэж байсан Ерөнхий сайд Л.Оюун-Эрдэнэ, УИХ-ын дэд дарга Т.Аюурсайхан нараас тэмцлээ үргэлжлүүлье гэж шаардах гэж ирсэн юм.

Одоо Засгийн газраар ажлыг нь хийлгэх болсон. Тийм учраас Ж.Батзандан Монголдоо ирлээ.