"ОХУ-ын Элчин сайд замын хөдөлгөөний дүрэм зөрчиж, зогсоосон цагдаагийн албан хаагчид дипломат эрх сануулав" гэх мэдээлэл нь ташаа болохыг Тээврийн цагдаагийн алба мэдээлэв.

Цахим орчинд ОХУ-ын Элчин сайд Монголын хүүхдийн ордны уулзвар дээр албаны машиныхаа дэргэд замын цагдаатай уулзаж байгаа зураг тарсан бөгөөд, замын хөдөлгөөний дүрэм зөрчиж, шалгахаар зогсоосон албан хаагчийг эсэргүүцэж, дипломат эрх сануулсан гэх мэдээлэл гарах болсон юм. 

Иймд аливаа мэдээлэлд яаран дүгнэлт хийж, цагдаагийн байгууллага, алба хаагчийн нэр хүндэд илт чиглэсэн сэтгэгдэл бичихгүй байх, уур бухимдлаа илэрхийлэх, нөхцөл байдалд үнэлэлт, дүгнэлт өгөхгүй мэдээлэл цахим хуудсанд оруулж нийгмийн сэтгэл зүйд сөрөг нөлөөлөл үзүүлэхгүй байхыг тус албанаас зөвлөв.

Мөн хүний хувийн мэдээллийг цуглуулах, боловсруулах, ашиглах, аюулгүй байдлыг хангахтай холбогдсон харилцааг зохицуулах “ХҮНИЙ ХУВИЙН МЭДЭЭЛЭЛ ХАМГААЛАХ ТУХАЙ” хууль энэ оны тавдугаар сарын 1-ний өдрөөс эхлэн мөрдөгдөж эхэлснийг Тээврийн цагдаагийн алба анхааруулав.