НИТХ-ын ээлжит хуралдаан маргааш буюу аравдугаар сарын 12-ны өдөр болох бөгөөд Нийслэлийн Засаг дарга бөгөөд Улаанбаатар хотын захирагчаар Х.Нямбаатарыг нэр дэвшүүлэх эсэх асуудлыг хэлэлцэх юм байна. 

Тодруулбал, Засгийн газраас ХЗДХ-ийн сайд Х.Нямбаатарыг чөлөөлж, Нийслэлийн Засаг дарга бөгөөд Улаанбаатар хотын захирагчаар нэр дэвшүүлэх шийдвэр гаргасан. Хуульд зааснаар, Ерөнхий сайд хотын даргыг нэр дэвшүүлэх саналыг гаргаж болохоор тусгасан юм. Ингэхдээ, НИТХ-аас тухайн санал болгосон хүний талаар санал хурааж, олонхын санал авсан хүнийг Засаг даргад нэр дэвшүүлэх юм. 

НИТХ-ын хуралдаанаар нэр дэвшигчийг дэмжсэн эсэх санал хурааж, Ерөнхий сайдад уламжлах юм. Нэр дэвшигчийг олонх дэмжсэн тохиолдолд Ерөнхий сайдын захирамж гарснаар хотын даргыг үүрэгт ажилд нь томилно.