Улаанбаатар хотын төв талбайд энэ сарын 4-ний өдрөөс сүлд мод засаж эхэлсэн. 

Сүлд модны гэрлийг өнөөдөр 18:00 цагт асаахаар товложээ. 

Өнөөдөр нийслэлийн удирдах ажилтнуудын шуурхай зөвлөгөөн болсон. Энэ үеэр шинэ жилийг угтсан гэрэлтүүлэг, чимэглэл, тохижилтын ажлуудын явцыг Хотын дарга Х.Нямбаатар дүүргийн удирдлагуудаас тодруулсан байна. Ингэхэд дүүргийн удирдлагууд бэлтгэл ажлыг хангаж байгаа бөгөөд аль болох богино хугацаанд гэрэлтүүлэг, чимэглэл, тохижилтын ажлуудыг хийнэ гэдгээ мэдэгджээ.