Засгийн газрын өнөөдрийн ээлжит хуралдаанаар зарим оронд эх орноо төлөөлөн суух Элчин сайд нарыг томилсон байна. 

Тодруулбал, Гадаад харилцааны яамны Олон улсын гэрээ, эрхзүйн газрын захирал С.Сүхболдыг Монгол Улсаас БНСУ-д суух бүрэн эрхт Элчин сайд, Гадаад харилцааны яамны Ёслолын газрын захирал Ц.Мөнх-Өлзийг Монгол Улсаас Швед улсад суух бүрэн эрхт Элчин сайдаар тус тус томилсон байна.

С.Сүхболд,

• 1999 онд ГХЯ-ны ОУБГ-ын мэргэжилтэн
• 2000-2007 онд ГХЯ-ны Гэрээ, эрх зүйн газарт атташе, гуравдугаар нарийн бичгийн дарга
• 2002-2004 онд Монгол Улс, БНХАУ-ын улсын хилийг 2 дахь удаагаа тогтоон шалгах Хамтарсан комиссын Монголын хэсгийн гишүүн
• 2007 онд НҮБ-ын ЕА-н 62 дугаар чуулганд оролцох Монгол Улсын Засгийн газрын төлөөлөгчдийн бүрэлдэхүүнд гишүүн
• 2007-2010 онд Монгол Улсаас НҮБ-ын дэргэд суугаа БТГ-т 2 дугаар нарийн бичгийн дарга
• 2010-2012 онд ГХЯ-ны Төрийн захиргааны удирдлагын газрын дэд захирал
• 2012онд ГХЯ-ны Гэрээ, эрх зүйн газрын захирлын үүрэг гүйцэтгэгч
• 2012-2015 онд ГХЯ-ны Төрийн захиргааны удирдлагын газрын захирал
• 2015-2020 онд Монгол Улсаас НҮБ-ын дэргэд суугаа Онц бөгөөд Бүрэн эрхт Элчин сайд, НҮБ-ын Байгаль орчны хөтөлбөрийн дэргэд суугаа Байнгын төлөөлөгч
• 2020 онд ГХЯ-ны Олон улсын гэрээ, эрх зүйн газрын зөвлөх
• 2020 оны 12сарын 7-ноос ГХЯ-ны Олон улсын гэрээ, эрх зүйн газрын захирал

Ц.Мөнх-Өлзий:

• 2004 онд ГХЯ-ны Ёслолын хэлтэст мэргэжилтэн
• 2004-2006 онд ГХЯ-ны Төрийн захиргааны удирдлагын газарт атташе
• 2006-2007 онд ГХЯ-ны Америк, Ойрхи Дорнод, Африкийн газарт атташе
• 2007-2010 онд Монгол Улсаас Швейцарын Холбооны Улсад суугаа Байнгын төлөөлөгчийн газарт атташе, гурав, хоёрдугаар нарийн бичгийн дарга
• 2010-2012 онд ГХЯ-ны Төрийн дипломат ёслолын газарт хоёрдугаар нарийн бичгийн дарга
• 2012 онд ГХЯ-ны Олон нийттэй харилцах газрын дэд захирал
• 2012-2013 онд ГХЯ-ны Төрийн дипломат ёслолын газарт нэгдүгээр нарийн бичгийн дарга
• 2013-2016 онд Монгол Улсаас Канад улсад суугаа Элчин сайдын яаманд нэгдүгээр нарийн бичгийн дарга, зөвлөх
• 2016-2018 онд ГХЯ-ны Дипломат ёслолын газрын Захирал
• 2018-2021 онд Монгол Улсаас Канад улсад суугаа Элчин сайдын яаманд Элчин зөвлөх
• 2021 оны 10 дугаар Дипломат ёслолын газрын захирал