Техник технологи асар хурдтай хөгжиж буй энэ үед иргэд, олон нийтийн кибер аюулгүй байдлын мэдлэг, ойлголт дутмаг байдлаас үүдэж халдагад өртөх, сэтгэл санаа, эд хөрөнгөөрөө хохирох тохиолдол ихээр гардаг байна. Тодруулбал, Монгол улсын хэмжээнд кибер халдлагад өртсөн байж болзошгүй тохиолдол долоо хоногт 40,000-77,000 бүртгэгддэг гэх статистик мэдээлэл байна.

Иймд Төрийн цахим үйлчилгээний зохицуулалтын газар Кибер халдлага, зөрчилтэй тэмцэх нийтийн төв хамтран кибер аюулгүй байдлаа хэрхэн хангах, халдлага зөрчлөөс өөрийгөө болон ойр дотны хүмүүсээ хамгаалах тухай цахим ур чадварын сургалтыг 09 дүгээр сарын 16-ны өдрөөс 10 дугаар сарын 16-ны өдрийн хооронд 1 сарын хугацаанд үндэсний хэмжээнд зохион байгуулахаар болжээ. Ингэснээр иргэд мэдээллийн аюулгүй байдлаа хангах, кибер халдлага, түүний дотор мэдээлэл алдагдахаас өөрсдөө урьдчилан сэргийлж, хамгаалах ур чадварт суралцах юм.