Олон улсын жүдо бөхийн холбоо 2022 оны шилдгүүдээ онлайн санал асуулгаар тодруулах талаар бид өчигдөр мэдээлсэн. Тэгвэл холбооны албан ёсны цахим хуудаст байршуулсан санал хураалтын систем өнөөдрөөс нээгджээ.

“Шинэ од”, “Оны шилдэг цэвэр ялалт”, “Өсвөр үтэй хамгийн сайн ажиллаж амжилт гаргасан улс”, “Оны хамгийн сэтгэл хөдөлгөм агшин”, “Оны шилдэг дасгалжуулагч”, “Оны шилдэг эрэгтэй жүдоч”, “Оны шилдэг эмэгтэй жүдоч”, “Энхтайвны төлөө” зэрэг найман номинаци тус бүрт таван нэр дэвшигчтэй. Эдгээрээс манай улсын тамирчин МУГТ, ОУХМ Ц.Цогтбаатар  “Оны шилдэг эрэгтэй тамирчин” номинацид нэр дэвшээд байна.   

Спорт сонирхогчид https://awards.ijf.org/ холбоосоор нэвтрэн саналаа өгөх боломжтой юм.

Шилдгүүдийн шагналыг ирэх сарын 5-нд гардуулна.