Засгийн газрын өнөөдрийн хуралдаанаар хэлэлцсэн асуудлын талаар Эдийн засаг, хөгжлийн сайд Ч.Хүрэлбаатар Төрийн ордонд хэвлэлийнхэнд хандаж мэдээлэл хийх үеэрээ, “Засгийн газар инфляцтай уялдуулж жил бүр цалин тэтгэврийг нэмнэ гэсэн байр суурьтай ажиллаж байгаа" гэсэн мэдэгдэл хийв.

Тэрбээр "Манай яам өнөөдрийн хуралдаанд гурван мэдээлэл хийлээ. Эхнийх нь валютын нөөцийн тухай мэдээлэл байсан. Монгол Улс дөрөвдүгээр сарын 28-нд "Гэрэгэ" бондын төлбөрт 369 сая ам.доллар шилжүүлсэн. Ингэснээр валютын нөөц 3.7 тэрбум ам.доллар болоод байна. Өөрөөр хэлбэл, валютын зах зээл тогтворжсон гэж үзэж болно. 

Гуравдугаарт, гадаадын хөрөнгө оруулалттай холбоотой асуудлыг Засгийн газрын хуралдаанд манай яам танилцуулдаг болсон. Өмнө нь 32 гомдол яригдаж байсан бол үүнээс хоёрыг нь бүрэн шийдвэрлэсэн. Сэргээгдэх эрчим хүчтэй холбоотой 20 гомдол дээр ажлын хэсэг гарч, ажиллаж байгаа гэсэн мэдээллийг салбарын сайд хэлсэн. Үлдсэн гомдлыг хууль, хяналтын байгууллагын түвшинд хянаж байна. Мөн үүн дээр 12 гомдол нэмж ирсэн. Тавыг нь Засгийн газрын хуралдаанд оруулж, тогтоол гаргаж байна. Үлдсэн гомдол дээр тогтоол гаргахгүй шийдэх боломжтой гэж үзсэн" гэв.