"America's Got Talent: Fantasy League" шоунд О.Энх-Эрдэнэ оролцож, эхний шатандаа амжилттай тэнцлээ.

О.Энх-Эрдэнийг 2016 онд "Авьяаслаг монголчууд" шоунд оролцож, ялагч болсноор нь олон нийт сайн мэддэг. Каунтри урсгалаар, хэлний зөв дуудлагаар дуулдаг нь Монголдоо л гэхэд олныг гайхшруулж байсан.

Харин "America's Got Talent: Fantasy League" шоу нь орон, орны шилдэг оролцогчдыг нэгтгэж, нэг дор өрсөлдүүлдэг онцлогтой.

О.Энх-Эрдэнэ шүүгчдийг гайхшруулж, шүүгч Хэйди Блум түүнийг өөрийн багтаа авчээ. Шүүгчид болон үзэгчдийг алмайруулж буй бичлэг нь энэ өдрүүдэд сошиалд ихээхэн түгж буй юм.