Баянгол дүүргийн 24-р хороо “Алтай” хотхоны гүүрэн гарц өнөөдөр ашиглалтад орсон. Гэвч тус гүүрийг ашиглалтад орсон даруйд нь буюу өнөөдөр үдээс хойш том оврын автомашин гарах гэж байгаад осол гаргажээ.

Баянгол дүүргээс мэдээлж байгаагаар гүүрэн гарцын өндрийн хэмжээ 4,5 метр өндөртэй аж. Гэвч стандарт бус өндөртэй том оврын автомашин гүүрний доор засвар хийж байсан машиныг мөргөсөн байна. Мэдээллийн дагуу Тээврийн цагдаагийн албаны шуурхай бүрэлдэхүүн очиж ажилласан бөгөөд замын хөдөлгөөн хэвийн үргэлжилж байгаа аж.