Баянгол дүүргийн 30-р цэцэрлэгийн багш нар сурагчдынхаа аюулгүй байдалд зориулан сүүний сав ашиглан сандал, буйдан зэргийг хийжээ.

Тодруулбал, хатуу модон, хуванцар сандлаас болж хүүхдүүд гэмтэх тохиолдол их байдагтай холбогдуулан бага бүлгийн багш сүүний саваар сандал, буйдан хийх санаачилгыг гаргажээ. Ийнхүү сурагчдынхаа гэр бүлээс сүүний сав цуглуулж, зөөлөн урт, том, жижиг гээд олон төрлийн сандал хийжээ. Ингэснээр хүүхдүүд хурц, ирмэгтэй үзүүртэй тавилгуудаас болж өөрийгөө гэмтээнэ гэх аюул багасаж байгаа аж.

Цэцэрлэгийн багш нар хамтдаа нийлж, анги танхимаа ийнхүү зөөлөн булан, буйдантай болгож эхэлсэн бөгөөд цаашдаа энэхүү ажлаа үргэлжлүүлэх юм байна.