АН-ын гишүүн, Лектор төвийн эрхлэгч Ц.Баатархүүгийн талаар бид өмнө нь удаа дараа мэдээлэл нийтлэл хүргэсэн.

Гэтэл мань эр асуудалд ховоор хандаж, тус мэдээ нийтлэл гарахад огт хамааралгүй АН-ын журмын нөхдөө хардаж, энд тэнд худал яриад, хийсэн хэргээ булзааруулж, намайг "гүтгэчихлээ" хэмээж яваа сурагтай.

Тэгвэл бид энэ удаад өмнөх мэдээллүүдээ бататгах зорилгоор 2016 онд Чингэлтэй дүүргийн орон нутгийн сонгуульд яаж сонгогдсон, 2016-2020 онд тэрбээр нийслэлд ямар "хор найруулсан" байж болзошгүй талаарх мэдээллийг хүргэж байна.

Ямартай ч 2016-2020 онд НИТХ-д МАН олонхи байсан ч  НИТХ дах АН-ын төлөөлөгч Ц.Баатархүү шиг сөрөг хүчин атлаа "хожилтой" явсан хүн цөөн биз.

Магадгүй энэ хугацаанд Ц.Баатархүүд итгэж, нийслэлд явагдсан тендер болон тендерийн санхүүжилтийг шийдүүлэхээр зуучлуулаад хохирсон иргэд, ААН-үүд байвал бидэнд хандаарай.

Бизнесийнхний дунд "хэрэгждэг бичигдээгүй зарчим болох 10 хувийн өгөө авааг" тэрбээр өсгөж, 20%-ийг нэхэх болсон гэх учир "20%-ийн Ц.Баатархүү" гэх нэршил бизнесийнхэний дунд яригдах болсон гэх.

Тэрбээр энэ хугацаанд өөрийн найз Е-ийн компанийг МАН-ынхантай "ярьж" удаа дараа тендерт  "ялуулсан" аж.

Мөн өөрийн найз С-ын ажиллуулдаг, Чингэлтэй дүүргийн 16 дугаар хороонд байрлах "Вийст" хүнсний дэлгүүрийг "ашиглаж", хүнсний талонтой худалдан авагч, сонгогчдоор дамжуулан 2016 оны НИТХ-ын сонгуульд бусдын саналыг худалдан авах замаар нөлөөлсөн байж болзошгүй тухай мэдээлэл яригддаг.

Гэтэл тэрбээр оны өмнө 12 сард Чингэлтэй дүүргийн иргэдтэй удаа дараа "Цаг ирлээ" хэмээх нэрийн дор уулзалт зохион байгуулж, цаг тараасан бол, оны дараа буюу 2024 оны 1-р сард, УИХ-ын сонгуулийн тухай хууль хэрэгжиж эхэлсэн цаг үед хадам ээжийнхээ найз, МАН-ын гишүүн, Чингэлтэй дүүргийн  22-р хорооны Засаг дарга Б.Цогзолмаатай "үгсэн тохиролцож", өөрийн найз Н-ын хамтаар удаа дараа нийтийг хамарсан уулзалт арга хэмжээг зохион байгуулсан гэв үү...

Хэрэв энэ үнэн бол энэ хууль зөрчсөн асуудлыг хууль хяналтын байгууллага анхааралдаа авч шалгана биз ээ.

Өмнө нь хэлсэнчлэн  МАН-ын мөрийн хөтөлбөрт тусгагдсан "10000 программист бэлтгэх" төслийн хүрээнд зарласан тендерт мань АН-ын гишүүн Ц.Баатархүү өрсөлдөгчгүй орж ялалт байгуулан, "20000 программист бэлтгэнэ" хэмээн тус төслийг санаачлагчдын нэг, НИТХ-ын төлөөлөгч, МАН-ын гишүүн М.Халиунбаттай хамтран ажиллаж байгаа аж.

Өмнөх нийтлэлд дурьдсан Олимпийн гүүрний урдах уулзалтанд хэдэн тэрбум төгрөг нааш цааш өгөлцөж авалцсаныхаа хариуд өөрийн нам болох АН-ын үйл ажиллагааг хэрхэн саармагжуулсан, одоогийн НИТХ-ын төлөөлөгчтэй уулзсан уулзалтын мэдээллийг дараагийн дугаараар хүргэнэ.

А.Гал